Bundesliqa: “Bayer” yenə məğlub olmadı və Avropa rekorduna imza atdı - VİDEO

Almaniya Bundesliqasında artıq çempionluğu təmin etmiş “Bayer” “Ştutqart”a məğlubiyyətdən son anda qurtularaq XXI əsrdə Avropanın bütün turnirlərində məğlubiyyətsizlik seriyasına görə yeni rekorda imza atıb.

Leverkuzen komandası öz ənənəsinə uyğun olaraq 90+7-ci dəqiqədə fərqlənib və hesabına daha bir xal yazıb - 2:2. Bununla da, “Bayer” məğlubiyyətsizlik seriyasını 46 oyuna çatdırıb.

Beləliklə də, Xabi Alonsonun yetirmələri 81 xalla digər klublar üçün əlçatmazdır. “Ştutqart” isə 64 xalla 3-cü sıradadır.