Qanda dəmir çatışmazlığının yeddi əlaməti

Dəmir oksigenin daşınmasında əsas rol oynayır və onun çatışmazlığı insan sağlamlığına son dərəcə mənfi təsir göstərə bilər.

Sözügedən mikroelement olmadan, vücudumuz kifayət qədər sağlam qırmızı qan hüceyrələri istehsal edə bilmir və dəmir çatışmazlığı anemiyasına səbəb olur. Bu, yorğunluq, zəiflik və konsentrasiya qabiliyyətinin azalması kimi özünü göstərə bilər. Ümumdünya Səhiyyə Təşkilatı dəmir defisitli anemiyanı dünyada ən çox yayılmış qida çatışmazlığı kimi tanıyıb. Qeyd edilib ki, bu problem əhalinin 30%-ni əhatə edir.

Diyetoloqlar bədəndə dəmir çatışmazlığının ən çox görülən əlamətləri kimi daimi yorğunluq, koylonixiya - dırnağın deformasiyası, daimi üşümə, diqqət və konsentrasiyanın azalması, yuxunun pisləşməsi, artan narahatlıq, qida dəyəri olmayan maddələrə (buz, gil, nişasta və sairə) istəyi qeyd ediblər.

Mənbə: championat