Azərbaycanda yol terroru: 4 ölü, 9 yaralı

Martın 27-də Azərbaycan yollarında baş vermiş qəzalarda 4 nəfər həyatını itirib.

Oxu.Az lent.az-a istinadən xəbər verir ki, həftənin ilk günündə ölkə yollarında 10 avtomobil qəzası baş verib. Nəticədə həyatını itirən 4 nəfərdən başqa daha 9 nəfər müxtəlif dərəcəli bədən xəsarəti alıb.

Qubada iki avtomobilin toqquşması nəticəsində 2 nəfər ölüb.

Ucar rayonunda isə “Hyundai” markalı minik avtomobili yük maşınına çırpılıb və 1 nəfər həyatını itirib.

Qax rayonunda “Mercedes”in aşması isə qadın sərnişinin ölümünə səbəb olub.

Hər bir faktla bağlı araşdırma aparılır.

A.M.

www.oxu.az