“Azəravtoyol” Salyan yolundakı çökmədən danışdı
“Azəravtoyol” Salyan yolundakı çökmədən danışdı
“Azəravtoyol” Açıq Səhmdar Cəmiyyəti Salyan şosesinin “Sədərək” Ticarət Mərkəzinə yaxın ərazisində baş verən çökmə ilə bağlı açıqlama verib.
Oxu.Az xəbər verir ki, qurumun mətbuat xidmətinin rəhbəri Anar Nəcəfli Trend-ə açıqlamasında bildirib ki, həmin ərazidə bir müddət əvvəl də çökmə olub və ərazi bərpa edilib:
“Həmin hissədə qurunt sularının ötürülməsi üçün boru var. Ola bilsin ki, həmin boruda sızma olub və çökmə hadisəsi baş verib. Amma bu çökmə yolda avtomobillərin hərəkətinə heç bir problem yaratmır. Ərazidə yolun asfalt örtüyü təxminən 8-10 santimetr çöküb”.
A.Nəcəfli bildirib ki, artıq “Azəravtoyol” əməkdaşları əraziyə baxış keçiriblər: “Hazırda həmin ərazidəki çökmənin aradan qaldırılması üçün əraziyə texnikalar gətirilir. Qısa müddətdə yol bərpa ediləcək”.
A.M.