Bərdədə piyada yol qəzasınının qurbanı olub, sürücü qaçıb

Bərdə rayonunda piyadanın ölümü ilə nəticələn yol- nəqliyyat hadisəsi baş verib.

Oxu.Az Report-a istinadən xəbər verir ki, hadisə rayonun Heydər Əliyev prospektində qeydə alınıb.

“VAZ-21015” markalı minik avtomobili Ağdam istiqamətində hərəkətdə olarkən yolu keçmək istəyən 34 yaşlı gənci vurub. 

Qəzada ağır bədən xəsarətləri alan rayon sakini Zabil Məmmədov hadisə yerindəcə keçinib. 

Sürücü hadisə yerindən qaçıb. 

Rayon polisi sürücünün tutularaq istintaqa cəlb edilməsi istiqamətində əməliyyat-axtarış tədbirləri həyata keçirir.

S.B.
www.oxu.az