Sürücüləri çaşdıran yol nişanı yığışdırıldı – VİDEO + YENİLƏNİB
Sürücüləri çaşdıran yol nişanı yığışdırıldı – VİDEO + YENİLƏNİB
Aeroport şosesində quraşdırılan yol nişanı çaşqınlıq yaradıb.
Aeroport yolunda sürücüləri çaşdıran yol nişanı götürülüb.
Oxu.Az-ın məlumatına görə, bu barədə “Avtostop” layihəsinin rəhbəri Tural Yusifli məlumat yayıb:
“O nişanı “Bakı 2017” üçün ayrıca qoymuşdular. Ayrıcı zolaq yığışdırılıb, amma nişan qalmışdı. Heç bir əlavə məlumat nişanı olmadığından, bu nişan çaşdırıcı effekt yaratmışdı. Nişan artıq mövcud deyil”.
13:09
Bakının ən sürətli yollarının birində sürət minimuma endirilib.
Oxu.Az-ın məlumatına görə, bu barədə məlumatı Tural Yusifli “Avtostop” səhifəsində paylaşıb.
“Aeroport şosesində 100-dən sonra 40 sürəti qoyublar. Yəni siz sol 100-lük yolda gedəndə radar qoyub çəksələr, saatda 60 km sürəti aşıb 250 manat cərimələnə bilərsiniz”- Tural Yusifli bildirib.
Bu yeni nişanın quraşdırılmasının düzgün hesab etməyən Tural Yusiflinin sözlərinə görə, yüzlərlə sürücü bu nişanı görmür və öz sürəti ilə idarə edir.
A.M.