17 
İyn
2017
16:30
22
199
3961
Virtual karabakh

Güclü külək ağacı avtomobilin üzərinə aşırdı – VİDEO

Mingəçevir şəhəri, Nizami küçəsi 21 ünvanında xoşagəlməz hadisə baş verib.

Oxu.Az ARB TV-yə istinadən xəbər verir ki, şəhər sakini Rəvan Əliyev avtomobili ilə adıçəkilən ərazidən keçərkən, kökündən qopan nəhəng ağac avtomobilin üzərinə aşıb.

Nəticədə sürücü deformasiyaya uğrayan avtomobilin içində qalıb. Ətrafdakılar dərhal köməksiz qalan 30 yaşlı şəhər sakinini yararsız vəziyyətdə olan avtomobildən çıxarıblar. Müxtəlif bədən xəsarətləri alan yaralı xəstəxanaya yerləşdirilib. Baş verənlərə səbəb isə qəfil qopan külək olub.

Adıçəkilən ünvanda yaşayan sakinlərin sözlərinə görə, belə hadisələr ərazidə tez-tez təkrarlanır. Binaların yaxınlığında ömrünü başa vuran irigövdəli ağaclar çoxluq təşkil edir. Külək əsən zaman isə onlar tab gətirmədən aşaraq müəyyən problemlərə yol açırlar.

S.B.
www.oxu.az

Digər Avto-Moto xəbərləri