17 
İyl
2017
17:59
224
63
30204
Virtual karabakh

DYP ilə xanım sürücü arasında qalmaqal: Mənim meyitimi götürərsiniz – VİDEO

17 İyl, 2017
17:59
30204

DYP ilə xanım sürücü arasında qalmaqal: Mənim meyitimi götürərsiniz – VİDEO

Bizim WhatsApp kanalımıza buradan abunə ola bilərsiniz

Bakıda qadınla Dövlət Yol Polisi əməkdaşları arasında mübahisə düşüb.

Oxu.Az xəbər verir ki, türk vətəndaşı “Hyundai ix35” markalı avtomobillə Yasamal rayonu Balababa Məcidov küçəsində yol qaydalarını pozduğu üçün DYP əməkdaşları tərəfindən saxlanılıb. Hüquq-mühafizə əməkdaşları qadının sərxoş olmasında şübhələniblər. Onlar xanım sürücünü ekpertiza aparılması üçün müəyyən prosedurlardan keçməyi dəvət edib, avtomobili isə müvəqqəti dayanacağa aparmaq istəyiblər.

Lakin sürücü yol polisləri ilə razılaşmayıb, hətta polisi rüşvət götürməkdə ittiham edib. O, ətrafda olanlara bildirib ki, bir neçə müddət öncə oxşar hadisəyə görə 1000 manat DYP əməkdaşlarına rüşvət verərək cəzadan yayına bilib. Daha sonra o, bu dəfə də bağışlamasını istəyib. 

Xanım qeyd edib ki, yol polisi onu saxladığı zaman hücum edib, qolu yaralanıb, buna görə də onlarla heç yerə getməyəcək: “Mən heç yerə getməyəcəm, mənim meyitimi götürərsiniz”. 

Hadisə zamanı xanım hətta intihara cəhd edib, özünü ərazidə hərəkət edən avtomobilin altına atmaq istəyib.

Hadisə yerinə çoxlu sayda DYP və PPX əməkdaşları cəlb olunub. Məsələni araşdırması üçün xanımı Yasamal Rayon Polis İdarəsinin 27-ci polis bölməsi aparıblar.

Bakı şəhər Baş Polis İdarəsinin Mətbuat və İctimaiyyətlə əlaqələr şöbəsinin rəisi Vaqif Əsədov Oxu.Az-a bildirib ki, xanım sürücü ilə bağlı araşdırmalar gedir, güman edirik ki, sürücü hay-küy salmaqla, məsuliyyətdən yayınır. Etiraz etmək sürücünün haqqıdır. Baş vermiş faktla bağlı ətraflı məlumat verəcəyik. 

Elvin Əhmədov

www.oxu.az

 

Bizimlə əlaqə saxlayın

Digər Avto-Moto xəbərləri