Bakıda baş həkimin oğlu piyadanı vuraraq öldürdü – YENİLƏNİB
Bakıda baş həkimin oğlu piyadanı vuraraq öldürdü – YENİLƏNİB
Bakıda baş həkimin oğlu piyadanı vuraraq öldürüb.
Oxu.Az Report-a istinadən xəbər verir ki, hadisə Nərimanov rayonunda qeydə alınıb.
Belə ki, Teymur Əliyev küçəsində 10-ST-908 dövlət qeydiyyat nişanlı, "Lexus" markalı avtomobili idarə edən Mehdizadə Toğrul Nizami oğlu yolu keçən 1986-ci il təvəllüdlü Ağayev Ramin Ramiz oğlunu vurub. Nəticədə piyada ağır xəsarət alıb. Yaralı xəstəxanaya çatdırılarkən yolda dünyasını dəyişib.
Faktla bağlı Nərimanov rayon Polis İdarəsində cinayət işi başlanılıb və sürücü saxlanılıb.
Qeyd edək ki, hadisəni törədən T.Mehdizadə Biləsuvar rayon Mərkəzi Xəstəxanasının baş həkimi Nizami Mehdizadənin oğludur. N.Mehdizadə baş həkim vəzifəsinə bu ilin iyun ayında təyin edilib.
11:32
Bakıda piyadanın vurulması ilə nəticələnən yol qəzası baş verib.
Oxu.Az APA-ya istinadən xəbər verir ki, hadisə paytaxtın Nərimanov rayonu ərazisində qeydə alınıb.
Toğrul Mehdizadə idarə etdiyi “Lexus” markalı, 10 ST 908 dövlət nömrə nişanlı avtomobillə yolu keçən 1987-ci il təvəllüdlü Ramil Ağayevi vurub. Nəticədə xəstəxanaya yerləşdirilən piyada orada ölüb.
Faktla bağlı araşdırma aparılır.
E.Ə.
www.oxu.az