“Bakı Abadlıq Xidməti”ndən oğurluq edilib

“Bakı Abadlıq Xidməti” MMC-yə məxsus su nasosu və elektrik xəttləri oğurlanıb.

Oxu.Az-ın “Report”-a istinadən xəbərinə görə, hadisə Yeni Suraxanı qəsəbəsi ərazisində baş verib.

Belə ki, Heydər Əliyev prospekti, “Buta Palace” Sarayının yaxınlığında “Bakı Abadlıq Xidmət” MMC-yə məxsus 3 200 manat dəyərində su nasosu və 464 manatlıq 290 metr mis elektrik naqili oğurlanıb.

Faktla bağlı Suraxanı Rayon Polis İdarəsində araşdırma aparılır.

E.Ə.
www.oxu.az