Bakıda internetdə tanış olduğu qızlarla görüşən tələbənin başına iş gəldi

Bakıda quldurluqla məşğul olan şəxslər tutulub. 

Oxu.Az Daxili İşlər Nazirliyinin mətbuat xidmətinə istinadən xəbər verir ki, Nərimanov Rayon Polis İdarəsi 16-cı Polis Bölməsinin əməkdaşlarının həyata keçirdikləri əməliyyat-axtarış tədbirləri nəticəsində yanvarın 13-də əcnəbi vətəndaşa - Biyar Cumaah Shaikaniyə qarşı quldurluq etməkdə şübhəli bilinən qrupun üzvləri - Zəngilan rayon sakini Çinarə Bəhlulzadə, Bakı şəhər sakini Anar Kərimov, Elvira Ələsgərova tutulublar.

Lent.az xəbər verir ki, yanvarın 13-də gecə saatlarında baş vermiş hadisədə zərərçəkmiş Biyar Cumaah Shaikani İraq Respublikasının vətəndaşıdır və Bakıda universitetlərdən birində təhsil alır. 

O, internetdə tanış olduğu 25-26 yaşlı qızlarla Nərimanov rayonundakı gecə klubunda görüşüb. Daha sonra tərəflər arasında narazılıq baş verib və C.Biyar küçəyə çıxıb. Qızlar küçədə Anar Kərimovu köməyə çağırıblar və onlar birgə iraqlı gənci döyərək ondan 400 manat alıblar.

E.Ə.
www.oxu.az