20 
Fev
2017
11:44
108
86
4512
Virtual karabakh

Bakıda kütləvi dava: Gürcüstan vətəndaşları bıçaqlanıb

20 Fev, 2017
11:44
4512

Bakıda kütləvi dava: Gürcüstan vətəndaşları bıçaqlanıb

Bizim WhatsApp kanalımıza buradan abunə ola bilərsiniz

Ötən axşam saat 20:00 radələrində Nizami rayonu ərazisində, “Koroğlu” metro stansiyasının yaxınlığında kütləvi dava qeydə alınıb.

Oxu.Az Salamnews-a istinadən xəbər verir ki, dava nəticəsində 3 nəfər Gürcüstan vətəndaşı olan yaxın qohumlar - 1990-cı il təvəllüdlü İsmayılov Musa İsa oğlu, 1995-ci il təvəllüdlü Mirzəliyev Səxavət Rizvan oğlu, 1992-ci il təvəllüdlü Məmmədov İbrahim Şaban oğlu bıçaqlanıblar.

Yaralılar təcili tibbi yardım maşını ilə 3 saylı Şəhər Kliniki Xəstəxanasına gətirilərək dərhal əməliyyat otağına götürülüblər və əməliyyat olunublar.

Həkimlərin verdiyi məlumata görə, Musa İsmayılovda qarnın ön divarının və sağ biləyinin kəsilmiş-deşilmiş yarası, İbrahim Məmmədovda qarnın çoxsaylı kəsilmiş-deşilmiş yaraları, Səxavət Mirzəliyevin isə sol əlində bıçaq xəsarətləri aşkar edilib. Sonuncuya tibbi yardım göstərildikdən sonra ambulator müalicəyə buraxılıb. Yaralılardan iksi isə əməliyyatdan sonra reanimasiya şöbəsinə yerləşdirilib, vəziyyətləri ağır hesab olunur.

Baş vermiş hadisə ilə bağlı Nizami Rayon Polis İdarəsinin 25-ci polis bölməsinə məlumat verilib.

Zərəçəkmişlərin yaxınlarının verdiyi məlumata görə, hər iki şəxs 8-ci km qəsəbəsində yerləşən avtomobil bazarında nəqliyyat vasitələrinin üzlükərinin dəyişdirilməsi işi ilə məşğul olur. Hadisə onlar işdən çıxandan sonra baş verib. M.İsmayılov və İ.Məmmədov “Koroğlu” metro stansiyasının yaxınlığındakı kafelərin birində yeyib-içdikdən sonra tanımadıqları şəxslərlə mübahisə ediblər və nəticədə bıçaqlanıblar.

25-ci polis bölməsindən fakt təsdiq edilib və bilidirilib ki, hazırda hadisəni törədən şəxslərin müəyyənləşdirilərək tutulması istiqamətində əməliyyat-axtarış tədbirləri davam etdirilir.

A.M.

www.oxu.az

Bizimlə əlaqə saxlayın

Digər Kriminal xəbərləri