20 
Apr
2017
09:58
60
90
8144
Virtual karabakh

Bakıda avtomobildən oğurluq edən şəxs kameraya düşdü – VİDEO

Paytaxt ərazisində minik avtomobilindən oğurluq edilib. 

Oxu.Az xəzərxəbər-ə istinadla məlumat verir ki, oğurluq hadisəsi müşahidə kamerası tərəfindən anbaan qeydə alınıb.

Görüntülərdən aydın olur ki, yolun kənarında dayanmış minik avtomobilinin sahibi yük yerindən əşya götürür. Başqa bir nəfər isə onu gözləyir.

Həmin vaxt onların yanından qara gödəkcə geymiş 30-35 yaşlarında bir nəfər keçir.

Avtomobilin sahibi oradan uzaqlaşdıqdan sonra həmin şəxs geri qayıdır və avtomobilə yaxınlaşır. Bir anın içində avtomobilin ön qapısını açır və mobil telefona bənzər əşyanı götürərək qaçır.

Hadisə paytaxtın Xətai rayonu, Babək prospektində baş verib və ərazidəki inşaat malları mağazalardan birinin müşahidə kamerası tərəfindən anbaan lentə alınıb.

N.O.

www.oxu.az

Digər Kriminal xəbərləri