Bakıda azyaşlıya təcavüz edən şəxs saxlanıldı

Bakının Qaradağ rayonunda aparılan əməliyyat-axtarış tədbirləri nəticəsində azyaşlı uşağa təcavüz etməkdə şübhəli bilinən şəxs saxlanılıb. 

Oxu.Az xəbər verir ki, bu barədə Sputnik Azərbaycana hüquq-mühafizə orqanlarından bildiriblər.

Polisdən verilən məlumata görə,  onlara Sahil qəsəbəsinin 73 yaşlı sakini müraciət edib və bildirib ki, onun 10 yaşlı nəvəsinə qarşı seksual xarakterli zorakılıq hərəkətləri edilib.

Həmin şəxs  cinayətkarı tanımadığını deyib.

Aparılan əməliyyat istintaq tədbirləri çərçivəsində həmin şəxs müəyyənləşdirilərək saxlanılıb.

Saxlanılan Sahil qəsəbəsi sakini, 1988-ci il təvəllüdlü Teymur Məmmədovdur (ad və soyad dəyişdirilib).

Həmin şəxslə bağlı  AR CM 150.4 maddəsi üzrə cinayət işi başlanılıb.  

Hazırda fakt üzrə istintaq davam edir. 

S.S.
www.oxu.az