Avq
2017
11:18
54
121
13682
Virtual karabakh

Azərbaycanlı məşhur “qanuni oğru” Rusiyada həbs edildi – VİDEO + FOTO – YENİLƏNİB

9 Avq, 2017
11:18
13682

Azərbaycanlı məşhur “qanuni oğru” Rusiyada həbs edildi – VİDEO + FOTO – YENİLƏNİB

Bizim WhatsApp kanalımıza buradan abunə ola bilərsiniz

56 yaşlı azərbaycanlı kriminal avtoritet Yunis Nəzərov Rusiyanın Ulyanovsk şəhərində saxlanılıb.

Oxu.Az lent.az-a istinadən xəbər verir ki, o, miqrasiya qaydalarını pozmaqda ittiham edilir.

Məlumata görə, Yunus Nəzərov 15 gün imiş, adıçəkilən şəhərdə yaşayırmış və heç bir ünvanda qeydiyyatda deyilmiş. Lotu Yunus dünən məhkəmə qarşısına çıxarılıb. Məhkəmənin qərarına görə, o, 3 gün ərzində Rusiya Federasiyasını tərk etməlidir. Ulyanovsk Şəhər Baş Polis İdarəsindən bildirildiyinə görə, Lotu Yunus Rusiya ərazisində növbəti dəfə saxlanılacağı təqdirdə, ölkədən deportasiya ediləcək. Hazırda onun harada olduğu bilinmir.

Oxu.Az Lotu Yunusun yerli müstəntiq tərəfindən dindirilməsini təqdim edir

 - Familiyanız, adınız, atanızın adı?

- Nəzərov Yunus.

- Atanızın adı?

- Canəhməd oğlu.

- Təvəllüdünüz?

- 23 yanvar 1961-ci il.

 - Harada anadan olmusunuz?

- Azərbaycanda.

- Hara vətəndaşısınız?

- Azərbaycan.

- İşləyirsinizmi?

- Xeyr.

- Nə işlə məşğul olursunuz?

- Mən əliləm, nə işləmək.

- Kriminal statusunuz var?

- Hə, oğruyam.

- Rusiyaya nə vaxt gəlmisiz?

- 6 il əvvəl.

- Ulyanovsk şəhərinə nə vaxt gəlmisiniz?

- 10-15 gün əvvəl.

- Ulyanovska gəlişinizin məqsədi?

- Elə-belə gəlmişəm. 10 gün, bir ay dincəlib qayıdıram.

- Harada yaşayırsınız?

- Bilmirəm. Həmyerlilərimlə qalıram. Bir gün orada, bir gün burada.

- Sonuncu qaldığınız yerin ünvanını deyə bilərsinizmi?

- Yox.

- Aydındır. Bundan sonra hara gedəcəksiniz?

- Azərbaycana, ya Dağıstana.

 

10:43

Azərbaycanlı məşhur “qanuni oğru”, “Lotu Yunus” ləqəbli Yunis Nəzərov Rusiyada hüquq-mühafizə orqanları tərəfindən həbs edilib.

Oxu.Az lent.az-a istinadən xəbər verir ki, onun konkret hansı ittihamla saxlanıldığı hələ açıqlanmayıb. Lakin kriminal avtoritetin Azərbaycana ekstradisiya ediləcəyi bildirilir.

A.M.

www.oxu.az

Bizimlə əlaqə saxlayın

Digər Kriminal xəbərləri