“Milli Ön” ödəmə terminalından pul oğurlandı

Bakıda “Milli Ön” ödəmə terminalından pul oğurlamaqda şübhəli bilinən şəxs saxlanılıb.

Oxu.Az Daxili İşlər Nazirliyinin saytına istinadən xəbər verir ki, Binəqədi Rayon Polis İdarəsi 40-cı Polis Bölməsinin əməkdaşlarının keçirdikləri əməliyyat-axtarış tədbirləri nəticəsində iyunun 11-də rayon ərazisindəki mağazalardan birindən 500 manat pul və tütün məmulatı, habelə orada quraşdırılmış “Milli Ön” ödəmə terminalından 385 manat pul oğurlamaqda şübhəli bilinən Ağdaş rayon sakini, əvvəllər məhkum olunan Cavad İsayev tutulub.

E.Ə.
www.oxu.az