12 
Noy
2018
18:37
78
120
7055
Virtual karabakh

Prokuror anasının tanışını bıçaqlayan yeniyetməyə cəza istədi

12 Noy, 2018
18:37
7055

Prokuror anasının tanışını bıçaqlayan yeniyetməyə cəza istədi

Bizim WhatsApp kanalımıza buradan abunə ola bilərsiniz

Bu gün Bakı Ağır Cinayətlər Məhkəməsində qəsdən sağlamlığa ağır zərər vurmaqda təqsirləndirilən 2003-cü il təvəllüdlü Əli Qasımovun (ad və soy ad şərtidir) cinayət işi üzrə növbəti məhkəmə iclası davam etdirilib.

Oxu.Az xəbər verir ki, hakim Novruz Kərimovun sədrliyi ilə keçirilən prosesdə prokuror çıxış edib. 

O, Ə.Qasımovun üç il müddətinə azadlıqdan məhrum edilməsini istəyib. 

Proses noyabrın 21-dək təxirə salınıb. 

Qeyd edək ki, Ə.Qasımov atası ilə əlbəyaxa dava edən, anasının tanışı Qurban Qarayevin kürək nahiyəsindən bir neçə zərbə endirib. 

Belə ki, Q.Qarayev hadisə günü Ə.Qasımovun anasının yaşadığı evə gəlib. Bu zaman Ə.Qasımovun atası da evdə olub. Həmin şəxslərin arasında mübahisə yaranıb.

Məhkəmədə sərbəst ifadə verən Ə.Qasımov əməlini etiraf edib və özünü təqsirli bilib.

Ə.Qasımovun barəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə ittiham irəli sürülüb.

Etibar Məmmədov
www.oxu.az

Bizimlə əlaqə saxlayın

Digər Kriminal xəbərləri