Bakıda kafedə qətllə bağlı bir nəfərin həbs müddəti uzadıldı
Bakıda kafedə qətllə bağlı bir nəfərin həbs müddəti uzadıldı
Sabunçu rayon Məhkəməsində qanunsuz olaraq soyuq silah gəzdirməkdə və qətldə təqsirləndirilən Hikmət Abbasquliyevin barəsində seçilmiş həbs-qətimkan tədbirinin müddətinin uzadılması ilə bağlı istintaq orqanının vəsatətinə baxılıb.
Oxu.Az-ın xəbərinə görə, hakim Ziya Şirinovun sədrliyi ilə keçirilən prosesdə qərar elan edilib.
Qərara görə, istintaq orqanının vəsatəti təmin olunub və H.Abbasquliyevin barəsində seçilmiş həbs-qətimkan tədbiri iki ay müddətinə artırılıb.
Qeyd edək ki, Sabunçu rayonunun Ramana qəsəbəsində, məcburi köçkünlərin “Şuşa şəhərciyi”nin ərazisindəki “Naxçıvan” kafesində bu ilin avqustun 9-da silahlı insident olub.
Nəticədə bir nəfər ölüb, bir nəfər isə yaralanıb.
Gecə saat 22:00 radələrində naməlum şəxs “Kalaşnikov” markalı avtomatla kafeyə daxil olaraq atəş açıb.
Bakı şəhər sakinləri — əvvəllər Cinayət Məcəlləsinin 127-ci (qəsdən sağlamlığa az ağır zərər vurma) maddəsi ilə məhkum olunmuş, 1985-ci il təvəllüdlü Namiq Məhərrəm oğlu Allahverdiyevə və 1984-cü il təvəllüdlü Elxan Kərimova xəsarət yetirib.
Nəticədə, Namiq Allahverdiyev ölüb, Elxan Kərimov isə ağır yaralanaraq 3 saylı şəhər kliniki xəstəxanasına yerləşdirilib. Ona vaxtında tibbi yardım göstərildiyi üçün həyatını xilas etmək mümkün olub.
Etibar Məmmədov
www.oxu.az
Oxu.Az yeniləndi!