13 
Okt
2021
09:12
13
190
6796
Virtual karabakh

Füzulidə sürücü avtomobillə vurduğu piyadanın boğazını kəsdi

13 Okt, 2021
09:12
6796

Füzulidə sürücü avtomobillə vurduğu piyadanın boğazını kəsdi

Bizim WhatsApp kanalımıza buradan abunə ola bilərsiniz

Oktyabrın 12-i saat 18 radələrində Füzuli rayonu ərazisində1994-cü il təvəllüdlü Ceyhun Quliyevə bıçaqla xəsarətlər yetirilməsi barədə rayon prokurorluğuna məlumat daxil olub.

Bununla bağlı Füzuli Rayon Prokurorluğu məlumat yayıb. 

Aparılmış araşdırmalarla rayon sakini, 1988-ci il təvəllüdlü Müşfiq Əsədovun aralarında yaranmış mübahisə zamanı Ceyhun Quliyevin üzərinə avtomobillə hərəkət edərək sonuncunu vurması, daha sonra bıçaqla xəsarətlər yetirərək onu qəsdən öldürməyə cəhd etməsinə əsaslı şübhələr müəyyən edilib.

Faktla bağlı Füzuli Rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd etmə) maddəsi ilə cinayət işi başlanıb.

Müşfiq Əsədov şübhəli şəxs qismində tutularaq istintaqa cəlb olunub.
 
Hazırda iş üzrə zəruri istintaq tədbirləri davam etdirilir.

Qeyd edək ki, “Report”un yaydığı məlumata görə, sürücü avtomobili ilə Ceyhun Quliyevi vurduqdan sonra yaralı gəncə yaxınlaşaraq onun boğazına və bədənin müxtəlif yerlərinə bir neçə bıçaq zərbəsi endirib.

Bizimlə əlaqə saxlayın

Digər Kriminal xəbərləri