MTN-nin tutduğu İŞİD-çilər danışdı - VİDEO

Əməliyyat keçirilib.

Milli Təhlükəsizlik Nazirliyinin (MTN) antiterror əməliyyatı nəticəsində Azərbaycan Respublikasının Suriya və İraqda gedən döyüşlərdə iştirak etmiş və tutulmuş 5 vətəndaşının görüntüləri yayılıb.

Oxu.Az xəbər verir ki, MTN-nin İctimai Əlaqələr İdarəsinin məlumatına görə, əməliyyat nəticəsində İŞİD-in tərkibində döyüşmüş Azərbaycan vətəndaşları Heydərov Zaur Naib oğlu, Əzizov Elbrus Nurməmməd oğlu, Talıbov Vaqif Musa oğlu, Ağcabəyov Rufan Şərəfəddin oğlu və İsmayılov Elşən Aydın oğlu şübhəli şəxs qismində tutulublar.

Müəyyən edilib ki, Zaur Heydərov, Elbrus Əzizov, Vaqif Talıbov, Rufan Ağcabəyov və Elşən İsmayılov 2013-2015-ci illər ərzində müxtəlif vaxtlarda Suriya Ərəb Respublikasının və İraq Respublikasının ərazisində həmin dövlətlərin, habelə Azərbaycan Respublikasının qanunvericiliyi ilə nəzərdə tutulmayan ayrı-ayrı silahlı birləşmələrin, o cümlədən “İslam Dövləti (İŞİD)”, “Cəbhətül-Nusra” və “Cundu Şam” terrorçu təşkilatlarının fəaliyyətində iştirak ediblər.

Cinayət işləri üzrə bütün halların araşdırılması, bu hüquqazidd əməllərin digər iştirakçılarının müəyyənləşdirilməsi istiqamətində istintaq-əməliyyat tədbirləri davam etdirilir.

E.Ə.
www.oxu.az