Nikita Mixalkovun yaradıcılıq gecəsi keçiriləcək

Heydər Əliyev Sarayında.

Dekabrın 4-də Heydər Əliyev Sarayında Rusiya Kinematoqrafçılar İttifaqının sədri və Rusiya Mədəniyyət Fondunun prezidenti, görkəmli kinorejissor, aktyor, ssenarist, Rusiyanın xalq artisti Nikita Mixalkovun yaradıcılıq gecəsi keçiriləcək.

Sarayın mətbuat xidmətindən Oxu.Az-a verilən məlumata görə, Nikita Mixalkov «Свой среди своих» proqramı ilə öz tamaşaçılarının görüşünə gələcək.

Kann, Venesiya kimi dünyanın nüfuzlu kino festivallarının qalibi, “Oskar” mükafatı laureatı Nikita Mixalkov bir çox filmlərin rejissoru, ssenaristi, baş prodüseri və bədii rəhbəridir.

Saat 19:00-da başlayacaq gecənin biletləri 20-60 manat arasında satışa çıxarılıb. Biletləri şəhərin kassalarından əldə edə bilərsiniz. 

Aytən Sadıqzadə
www.oxu.az