Yan
2017
15:31
33
64
1229
Virtual karabakh

“CinemaPlus”da ailəvi macəra filmi peşəkar Azərbaycan dublyajında – VİDEO

Premium kinoteatr “CinemaPlus” Belçika istehsalı olan ailəvi və macəra janrında çəkilmiş və  Azərbaycan dilində peşəkar dublyaj olunmuş “İsra və sehirli kitab” filminin nümayişinə başlayıb.

Kinoteatrdan Oxu.Az-a bildirilib ki, “İsra və sehirli kitab” filmi “Cinemazadeh” studiyasında 2016-cı ildə dublyaj olunub.

Dublyajın rejissoru Rövşən Məmmədli, baş redaktoru Xətai Əli, prodüseri Tural Əsədov, masterinq Azad Vəliyev, səs rejissoru Orxan Həsənli və post-prodakşn supervayzer Vüqar İslamzadədir. 

Filmi Sona Rəsulova, Rövşən Məmmədli, Kazım Abdullayev, Elşən Rüstəmov, Cavid Osmanov, Nəcibə Hüseynova, Xələf Cəfərov, Gülnarə Zülalova, Nəzakət Məmmədli, Xətai Əli, Orxan Həsənli və Səid Nizami səsləndirib. 

Filmin rejissoru R.Kan Albaydır. Filmdə rolları İsra Dela, Sven Van Der Linden, Şim Opbrouc, Valarie Deridder, R.Kan Albay və Tamer Karadağlı kimi aktyorlar oynayıb.

Film haqqında qısa məlumat: Doqquz yaşında İsra sinif yoldaşları ilə birgə kitabxanaya gedir. Orada Gugle bəylə və sehirli kitabla tanış olur. İsra hadisələri daha tam dərk etmədən görünməyən divarların arasında - çıraqdan çıxan cin, yaşlı, lakin çox sürətli kitabxanaçı, danışan toplar və heyvanların əhatəsində, şəkərli qalanın içində olduğunu anlayır. Ancaq bu görüntüyə aldanmaq lazım deyil, çünki Şato xanım şəkər qalasında gənc Adəmi əsir saxlayıb və əsiri azad etmək fikrində deyil. Görəsən, İsra Adəmi xilas edə biləcəkmi?

“CinemaPlus” kinoteatrlar şəbəkəsi hər zaman sizlərə xoş sürprizlər etmək və kino tarixində olan ən yaxşı premyeralar ilə sevindirməyə hazırdır.  

A.S.
www.oxu.az

Digər Mədəniyyət xəbərləri