Əməkdar artist Ənvər Həsənovun səhhəti pisləşib

Azərbaycanın Əməkdar artisti Ənvər Həsənovun səhhəti pisləşib.

Oxu.Az xəbər verir ki, aktyor Report-a açıqlamasında müalicə aldığını və özünü yaxşı hiss etmədiyini bildirib:

“Hazırda müalicə alıram. Böyrəklərimdə ciddi soyuqdəymə var və 4 aydır əziyyət çəkirəm”.

Qeyd edək ki, Ə.Həsənovun 66 yaşı var və “Yeddi oğul istərəm” filmində Cəlal, “Dərviş Parisi partladır” filmində Şahbaz, “Babək” filmində Tərxan, “Atları yəhərləyin” filmində Sirac, “Uşaqlığın son gecəsi” filmində Murad və başqa maraqlı obrazlar yaradıb.

A.S.
www.oxu.az