24 
Fev
2017
17:45
270
35
3003
Virtual karabakh

“CinemaPlus” “Xoca” filmini pulsuz nümayiş etdirəcək – VİDEO

24 Fev, 2017
17:45
3003

“CinemaPlus” “Xoca” filmini pulsuz nümayiş etdirəcək – VİDEO

Bizim WhatsApp kanalımıza buradan abunə ola bilərsiniz

Fevralın 26-da Xocalı faciəsinin 25-ci ildönümü ilə əlaqədar premium sinfindən olan  “CinemaPlus” kinoteatr şəbəkəsində rejissoru Vahid Mustafayev olan “Xoca” filminin pulsuz nümayişləri keçiriləcək. 

Oxu.Az xəbər verir ki, filmdə Qarabağ müharibəsi dövründə iki sevgilinin faciəvi taleyindən danışılır. “Xoca” filmi Xocalının tam faciəsini bütünlüklə əks etdirən ilk tammetrajlı film hesab olunur. 

Baş rollarda İlqar Musayev, Nigar Bahadırqızı, Elmira Yaqubova, Mina Sovetskaya, Azər Aydəmir həmçinin, Əməkdar artist Telman Əliyev və Xalq artisti Nəcibə Hüseynova çəkilib.  

Film haqqında: İki gənc - Ələkbər və Günel evlənmək qərarı verirlər və ərizə verib nikah növbəsinə dayanırlar. Toy gününü 1992-ci il 25 fevral tarixinə salırlar, lakin tezliklə kəşfiyyat zabiti Ələkbəri artıq müharibə gedən Qarabağa, Xocalı şəhərinə çağırırlar. Toy ərəfəsində Bakıya qayıtmağa hazırlaşarkən məlum olur ki, şəhər ermənilər tərəfindən mühasirəyə alınıb. O, seçim etməlidir: Bakıya qayıtmaq, harada ki, onun nişanlısı Günel gözləyir və ya yoldaşları ilə şəhərdə qalıb döyüşə hazırlaşmaq... 

Digər cütlük – Ələkbərin döyüş dostu Yura Çyornı (prototip – Azərbaycanın Milli qəhrəmanı Yuri Kovalev) və sadə teleqrafçı Mehriban. İlk əvvəl onlar bir-birilərinə soyuq münasibət göstərirlər, lakin doğma vətənin qorumaq vaxtı çatanda onlar arasında bir-birilərinə əsl hisslər yaranır. Xocalının bombardman olunmasından sonra Mehriban baba və nənəsini itirir, bundan sonra o, əlində silah ilə öz doğma şəhərinin müdafiəsinə qalxır.

Qeyd edək ki, həmin gün “CinemaPlus” şəbəkəsinin hər kinoteatrının bir zalında “Xoca” filminin 6 seansı nümayiş olunacaq. Həmçinin seanslardan komediya janrında olan bütün filmlər çıxarılacaq. 

A.S.
www.oxu.az

 

Bizimlə əlaqə saxlayın

Digər Mədəniyyət xəbərləri