15 
Mar
2017
09:19
152
53
30827
Virtual karabakh

İlk dəfə olaraq “CinemaPlus”da Azərbaycan istehsalı olan mistik trillerin nümayişi olacaq – VİDEO

15 Mar, 2017
09:19
30827

İlk dəfə olaraq “CinemaPlus”da Azərbaycan istehsalı olan mistik trillerin nümayişi olacaq – VİDEO

Bizim WhatsApp kanalımıza buradan abunə ola bilərsiniz

İlk dəfə “CinemaPlus” kinoteatrlar şəbəkəsində Azərbaycan istehsalı olan “Xənnas” adlı mistik trillerin nümayişi olacaq. Filmin ideya müəllifi və rejissoru Elvin Abdullayevdir. Baş prodüser və quruluşçu rejissor missiyasını Elvin Abdullayev öz üzərinə götürüb. Gənc rejissor milli kinomuzda ilkə imza atmaq üzrədir. 

Oxu.Az xəbər verir ki, baş rollarda Qorqud Cəfər, Türkay Cəfərli, Pərvin Abıyeva, Nərgiz Əliyeva, Hikmət Rəhimov, Zarina Qurbanova və Zemfira Əbdülsəmədova çəkilib.

Film haqqında qısa məzmun: Uzun müddətdir eyni yuxunu görən İlkin, öz dostları və həyat yoldaşı ilə ad günündən qayıdarkən ailəsinə məxsus olan evə baş çəkmək qərarına gəlir. Sovet vaxtlarından bunker kimi istifadə olunan və ilk baxışdan atılmış bir ev təəssüratı yaradan məkan get-gedə çağırılmayan qonaqları öz qaranlıq tarixinə aparır. İllər öncə babasının etdiyi günahlara görə evin lənətli olduğunu bilən İlkin, onu bura xənnasın gətirdiyini anlayır. Onun bir çıxış yolu var...

Qeyd edək ki, film may ayında tamaşaçılara təqdim olunacaq.

A.S.
www.oxu.az

Bizimlə əlaqə saxlayın

Digər Mədəniyyət xəbərləri