Aktyordan Xalq artistinə ağır ittiham: Müsabiqə iştirakçılarının ballarını qəsdən kəsir
Aktyordan Xalq artistinə ağır ittiham: Müsabiqə iştirakçılarının ballarını qəsdən kəsir
Akademik Milli Dram Teatrının aktyoru, Əməkdar artist Əli Nur Xalq artisti, Muğam müsabiqəsinin münsiflər heyətinin üzvü Əlibaba Məmmədovu ağır ittiham edib.
Oxu.Az AzNews.az-a istinadla xəbər verir ki, aktyor tamaşaçıların və münsiflər heyətinin yüksək bal verdiyi müsabiqə iştirakçılarının ballarının Əlibaba Məmmədov tərəfindən qəsdən kəsildiyini vurğulayıb.
“Muğam müsabiqəsində zildə səsi olmayan Əlibaba Məmmədov həmişəki kimi zil səsli gəncləri qısqanır. Bu, paxıllıqdır. Sizin yaşa bu, ayıbdır. Səsin enerjisi səhnə üçün vacibdir. Əlibaba müəllim dəfələrlə tamaşaçıların və münsüflər heyətinin yüksək bal verdikləri müğənninin ballarını qəsdən, arqumentsiz kəsib. Səbəbi? Nəyə görə?”.
Xalq artisti Əlibaba Məmmədov isə sözügedən məsələ ilə bağlı danışmaq istəmədiyini bildirib:
“Mən heç nə bilmirəm, danışmayacağam”.
A.S.
www.oxu.az