Məşhur aktyor illər sonra üzə çıxdı: Qızım xəstədir, ailəmi dolandıra bilmirəm – FOTO
Məşhur aktyor illər sonra üzə çıxdı: Qızım xəstədir, ailəmi dolandıra bilmirəm – FOTO
Oxu.Az Əməkdar artist Arzu Hüseynovun Milli.Az-a verdiyi müsahibəni təqdim edir.
- Arzu müəllim, uzun zamandır sizi nə efirdə, nə də film və seriallarda görürük. Bunun səbəbi xəstəliyinizlə bağlıdır?
- Mənim səhhətim normaldır, həkimə getmirəm, getsəm, min cür xəstəlik ortaya çıxar. Hal-hazırda işlə bağlı problemlərim var. Televiziya kanalları məni nə seriallara, nə də verilişlərə dəvət edirlər deyə, yaradıcılığımı davam etdirə və ailəmi yetərincə dolandıra bilmirəm.
O vaxt gözümə görə təqaüd ayırmışdılar, qızım da talassemiya xəstəsidir. Bundan əlavə, bir bacım da bizimlə yaşayır və o da təqaüd alır. Bir də Əməkdar artist fəxri adına görə pul alıram. O pullarla ailə necə dolansın?
- Bəs toylara getmirsiniz?
- Toya sonuncu dəfə təxminən 8 il əvvəl getmişəm. Toylar olanda maddi durumum nisbətən yaxşı idi. Demək olar ki, hal-hazırda şadlıq evlərindən təcrid olunmuşam. Məsələn, mən 30 manat istəyirəm, bu, onlara sərf etmir. Cavan uşaqlara 10 manat verirlər, gəlib işləyir. Mən ailəli adamam, bu məbləğdə ailəni dolandıra bilmərəm.
- Vaxtilə çörək kəsdiyiniz sənət dostlarınız sizi itirib-axtarır?
- Vaxtilə bir yerdə oturub-durduğumuz adamlar var. Elələri var seriala dəvət alırlar, orada durub demirlər ki, bəlkə, filankəsi də dəvət edək, onun da buna çox ehtiyacı var. Heç vaxt deməzlər.
A.S.
www.oxu.az