22 
Sen
2017
13:59
23
377
10515
Virtual karabakh

Mirzə Ələkbər Sabirin ev muzeyi söküldü – FOTO

22 Sen, 2017
13:59
10515

Mirzə Ələkbər Sabirin ev muzeyi söküldü – FOTO

Bizim WhatsApp kanalımıza buradan abunə ola bilərsiniz

Şeirləri dillər əzbəri olan məşhur azərbaycanlı şair Mirzə Ələkbər Sabirin Şamaxıdakı ev muzeyi sökülüb.

Oxu.Az xəbər verir ki, İsmayıllı Region Mədəniyyət və Turizm idarəsinin Şamaxı rayonu üzrə rəhbəri Rafael Tağıyev Report-un əməkdaşına bildirib ki, buna səbəb evin bir divarının uçması olub.

Onun sözlərinə görə, muzeyin sökülməsinə Mirzə Ələkbər Sabirin nəvələri Elçin və Gündüz Tahirli qərar veriblər: "Onlar artıq yeni layihəni təsdiqləyiblər. Yaxın zamanlarda muzeyin tikintisi başa çatacaq. Muzeydə olan bütün əşyalar hazırda Şamaxı Mərkəzi Kitabxanasında polis mühafizəsi altında saxlanılır. Tikinti başa çatdıqdan sonra əşyalar əvvəlki şəkildə öz yerlərinə yerləşdiriləcək".

R.Tağıyev qeyd edib ki, ev əvvəlki formasında və şərq memarlıq üslubunda olacaq: "Bu binada əvvəlkindən fərqli olaraq, konfrans zalı və fond otaqları yerləşəcək. Binanın tikintisi ilə nəvələri şəxsən məşğul olur. Onlar bu yaxınlarda Mirzə Ələkbər Sabirin gəlininin dəfn mərasimi üçün Şamaxıya gəlmişdilər. Gəlini Sabirin yanında dəfn olunub".

Qeyd edək ki, M.Ə.Sabir 1911-ci ildə 49 yaşında Şamaxıda vəfat edib və doğma şəhərində torpağa tapşırılıb.

E.Ə.
www.oxu.az

Bizimlə əlaqə saxlayın

Digər Mədəniyyət xəbərləri