Ağasadıq Gəraybəylinin xatirə gecəsi təşkil ediləcək
Ağasadıq Gəraybəylinin xatirə gecəsi təşkil ediləcək
Görkəmli teatr və kino aktyoru, Xalq artisti Ağasadıq Gəraybəylinin 120 illik yubileyi münasibətilə oktyabrın 27-də Cəfər Cabbarlı adına Dövlət Teatr Muzeyində xatirə gecəsi keçiriləcək.
Azərbaycan Respublikası Kinematoqrafçılar İttifaqının mətbuat xidmətindən Oxu.Az-a verilən xəbərə görə, tədbirdə onun mənalı ömür yolundan, yaratdığı təkrarsız obrazlardan, sənətkarlıq xüsusiyyətlərindən danışılacaq. Bununla yanaşı, böyük sənətkarın çəkildiyi filmlərdən fraqmentlər nümayiş olunacaq. Həmçinin sənətkarın həyat və yaradıcıllığına həsr olunmuş fotosərgi də təşkil olunacaq.
Yubiley gecəsi Azərbaycan Respublikası Mədəniyyət və Turizm Nazirliyi, Dövlət Film Fondu, Cəfər Cabbarlı adına Dövlət Teatr Muzeyi və Azərbaycan Respublikası Kinematoqrafçılar İttifaqının təşkilatı dəstəyi ilə keçiriləcək.
A.S.
www.oxu.az