Kult modelyer Oskar de la Renta vəfat edib – FOTO
Kult modelyer Oskar de la Renta vəfat edib – FOTO
Həyatının son səkkiz ilini xərçəng ilə mübarizə aparırdı.
ABŞ-da 83 yaşlı əfsanəvi modelyer dominikan əsilli Oskar de la Renta vəfat edib.
Oxu.Az BBC-yə istinadən xəbər verir ki, modelyer həyatının son səkkiz ilini xərçəng xəstəliyi ilə mübarizə aparırdı.
Jaklin Kennedi, Nensi Reyqan və Mişel Obamanın paltarlarının yaradıcısı 1932-ci ildə Santa-Dominqoda anadan olub. Onun altı bacısı olub.
De la Renta Nyu-Yorkda ilk sərgisini 1965-ci ildə təqdim edib.
Modelyer iki dəfə ailə həyatı qurub. Onun birinci həyat yoldaşı Fransuaza de Laqland Vogua-nın fransız versiyasının redaktoru olub, o da xərçəng xəstəliyindən vəfat edib.
Cəmi bir həftə öncə de la Renta tərəfindən yaradılmış moda evinə dizayner Piter Koppinq kreativ direktoru vəzifəsinə təyin edilib.
