Təmsilçimiz finala keçə bilmədi - FOTO

İfaçı Elza Seyidcahanın bəstəsi ilə çıxış edib.

Xəbər verdiyimiz kimi noyabrın 19-dan 20-dək Tatarıstanın paytaxtı Kazan şəhərində “Turkvision - 2014” Beynəlxalq televiziya müsabiqəsi keçirilir.

Oxu.Az xəbər verir ki, müsabiqədə ölkəmizi Elvin Ordubadlı təmsil edib. Ötən gün təmsilçimiz musiqisi Elza Seyidcahana, sözləri Ayşə Birgül Yılmaza aid olan “Divlərin yalnızlığı” adlı mahnı ilə 21-ci nömrə altında çıxış edib.

Lakin ifaçı 24 təmsilçi arasında 13-cü yerlə kifayətlənərək finala keçə bilməyib.

Bu haqda Oxu.Az-a əməkdar artist Elza Seyidcahan məlumat verib.

Qeyd edək ki, final noyabrın 21-də baş tutacaq.

www.oxu.az