Azərbaycanın xalçaları atletlər kəndində - FOTO
Azərbaycanın xalçaları atletlər kəndində - FOTO
Sərgidə qonaqların milli geyimlərdə şəkillərinin çəkilməsi də nəzərdə tutulub.
Avropa Oyunlarının Atletlər kəndində mədəniyyət və turizm mərkəzində Azərbaycan Xalça Muzeyinin sərgi salonu fəaliyyətə başlayıb.
Muzeydən Oxu.Az-a daxil olan xəbərdə bildirilir ki, burada Azərbaycanın xovlu xalçaları: “Suraxanı” XIX əsrin sonu. Bakı qrupu; “Pirəbədil” XX əsr. Quba qrupu; “Qobustan” XX əsrin əvvəli. Şirvan; “Ağaclı” XIX əsrin sonu. Təbriz; “Bəhmənli” XX əsrin əvvəli. Qarabağ; “Çələbi” XX əsrin əvvəli. Qarabağ; “Çıraqlı” XX əsrin əvvəli. Gəncə;
Qarabağın xovsuz xalçası “Cecim” və müxtəlif bölgələrimizi əks etdirən xalça məmulatları xurcun, heybə, məfrəş, yəhər üstü; misgərlik sənət nümunələrindən: şərbət qabı, aftafa-ləyən, sərpuş, məcməyi, satıl, dolça sərgilənir.
Bu eksponatlarla yanaşı sərgidə 2014-cü ildə YUNESKO –nun Qeyri Maddi-mədəni İrs Reprezentativ Siyahısına daxil olmuş Azərbaycan kələğayısı, zərgərlik sənət nümunələrindən “Boğazaltı” XIX əsr. Bakı; “Aynalı kəmər”, XIX əsr. Qarabağ; “Başlıq” XIX əsr. Qarabağ; “Silsilə” XIX əsr. Bakı; “Sinəbənd” XIX əsr. Naxçıvan; toqqa XIX əsr. Qarabağ; “Cütgü qabağı” XIX əsr. Bakı; misgərlik nümunələrindən qənddan, çıraq, qazan, kasa, manqal, dəbbə; bədii tikmələrdən bığ bağı, daraq qabı, araqçın; milli geyimlərdən küləçə kimi eksponatların və Nizaminin “Xəmsə” əsərinin miniatürlərinin foto-şəkilləri sərgilənir.
Sərgidə həmçinin, qonaqların arzularına uyğun milli geyimlərdə şəkillərinin çəkilməsi də nəzərdə tutulub.
E.Ə.
www.oxu.az