Azərbaycanlı ifaçı ABŞ-da beynəlxalq müsabiqədə birinci oldu
Azərbaycanlı ifaçı ABŞ-da beynəlxalq müsabiqədə birinci oldu
Müsabiqəyə bir çox ölkələrdən musiqiçilər qatılıb.
Azərbaycanlı qanun ifaçısı Natəvan Həsənova ABŞ-da keçirilən “American Protege International Concerto Competition 2015” beynəlxalq müsabiqəsində professional musiqiçilər kateqoriyada birinci yerə layiq görülüb. Musiqiçimiz müsabiqədə ən yüksək performansa görə də mükafatlandırılıb.
Mədəniyyət və Turizm Nazirliyinin ictimaiyyətlə əlaqələr şöbəsindən Oxu.Az-a verilən məlıumata görə, Natəvan Həsənova bildirib ki, Nyu-York şəhərindəki “Carnegie Hall”da reallaşan müsabiqəyə bir çox ölkələrdən musiqiçilər qatılıb.
Qeyd edək ki, Natəvan Həsənova Azərbaycan Milli Konservatoriyasında qanun müəlliməsi və Müslüm Maqomayev adına Azərbaycan Dövlət Filarmoniyasının xalq çalğı alətləri ansamblının solistidir.