Nigeriyada yaşayan yeganə azərbaycanlı ölkəmizi təmsil etdi - FOTO
Nigeriyada yaşayan yeganə azərbaycanlı ölkəmizi təmsil etdi - FOTO
Banana Mədəniyyət Festivalı çərçivəsində.
Oktyabrın 3- də Nigeriyanın Laqos şəhərində Banana Mədəniyyət Festivalı təşkil edilib.
Oxu.Az xəbər verir ki, festival zamanı Laqos şəhərində yaşayan 18 ölkənin (Mərakeş, Tunis, Əlcəzair, Misir, Fransa, İtaliya, Kenya, Nigeriya, Qana, CAR, Seneqal, İngiltərə, Türkiyə və s.) nümayəndələri öz ölkələrinin tarixi, mədəniyyəti, mətbəxi, musiqisini tərənnüm ediblər.
Azərbaycanı bu tədbirdə Nigeriyada yaşayan yeganə azərbaycanlı Büllurə Bayramova təmsil edib. Festival zamanı Azərbaycanın ləziz yeməklərindən dolma, qutab, plov, paxlava qonaqlara təqdim edilib.
Ölkə mediasına və qonaqlara Azərbaycan Respublikasının tarixi, mədəniyyəti barəsində məlumat verilib və tədbir zamanı milli rəqsimiz “Tərəkəmə” ifa olunub. Qonaqlar arasında müxtəlif ölkələrin səfirləri, Laqosda yerləşən dünya şöhrətli şirkətlərin nümayəndələri və Nigeriyanın mədəniyyət naziri və digər məmurları iştirak ediblər.
Festivalın təşkilində əsas məqsəd ölkələrin öz hüdudlarından kənarda təmsil etmək və təbliğ etmək, digər ölkə təamları, musiqi, milli bəzək əşyaları, mədəniyyəti və tarixi haqqında dolğun məlumat ala bilməkdir.