ADİF: “Bank of Azerbaijan” fondun reyestrindən çıxarıldı

Fond açıqlama verib.

“Bank of Azerbaijan” ASC Əmanətlərin Sığortalanması Fonduna (ADİF) üzv bankların reyestrindən çıxarılıb.
 
Bu barədə Fonddan Oxu.Az-a bildirilib. 

“Banka verilmiş müvafiq şəhadətnamə ləğv edilib”, - deyə Fonddan qeyd edilib. 

Xatırladaq ki, Azərbaycan Mərkəzi Bankının İdarə Heyətinin 18 yanvar 2016-cı il tarixli, 4 nömrəli qərarı ilə məcmu kapitalın minimum məbləği tələbinə əməl etmədiyinə, məcmu kapitalının adekvatlıq əmsalının 3 faizdən az olduğuna, kreditorları qarşısında öhdəliklərini icra edə bilmədiyinə, cari fəaliyyətini etibarlı və prudensial qaydada idarə etmədiyinə görə “Bank of Azerbaijan” ASC-nin bank lisenziyası ləğv edilib.

Ülviyyə R. Əli
www.oxu.az