Neftin qiymətində gözlənilməz dəyişiklik - YENİLƏNİB
Neftin qiymətində gözlənilməz dəyişiklik - YENİLƏNİB
Hərracların son nəticələri.
Fevralın 12-də Brent neftinin qiyməti 10% artaraq 33 dollara çatıb.
Bu barədə Oxu.Az hərraclara istinadən xəbər verir.
Saat 21:19-a olan məlumata əsasən, Brent neftinin qiyməti bir barelə görə 32,9 dollar, WTI markalı neftin qiyməti isə 11% bahalaşaraq bir barelə görə 29,3 dollar təşkil edib.
20:43
Dünya bazarında neftin qiyməti bahalaşmaqda davam edir.
Oxu.Az hərracların son nəticəsinə istinadən xəbər verir ki, WTI markalı neftin qiyməti 10 faizdən çox artıb.
Saat 19:52-yə olan məlumata əsasən, Brent markalı Şimal dənizi neft qatışığının aprel fyuçerslərinin qiyməti 6,92 % bahalaşaraq bir barelə görə 32,16 olub.
WTI neftinin mart fyuçerslərinin qiyməti 10,09 % artaraq bir barelə görə 28,84 dollar təşkil edib.
Qeyd olunur ki, neftin qiymətinin bahalaşmasına dünyanın ən iri neft şirkətlərinin “qara qızıl”ın istehsalını dayandıracağı barədə məlumatlar təsir göstərib.