12 
Yan
2017
11:50
28
241
14353
Virtual karabakh

Azərbaycan bu gündən tam “üzən məzənnə”yə keçir

4%-lik marja ləğv edilir.

Azərbaycan Mərkəzi Bankı (AMB) artıq bu gün keçirəcəyi valyuta hərracında yeni satış qaydalarını tətbiq edəcək. 

Oxu.Az “Report”a istinadən xəbər verir ki, bugünkü hərrac saat 12:00-da başlayacaq və 12:45-də tamamlanacaq.

Ümumilikdə satışa 75 mln. ABŞ dolları həcmində valyuta kütləsi çıxarılacaq. Satış isə “ən yaxşı məzənnə təklifi verən bank” prinsipi əsasında aparılaraq sifarişlərin tədricən (azalan xətt üzrə) reallaşdırılması nəzərdə tutulur.

Həmçinin, yeni qaydalara əsasən, bundan sonra AMB hərraca çıxarılan valyutanın həcmini öncədən bəyan edəcək. Gələn həftədən isə hərracların I, III və V günləri keçirilməsi qərara alınıb. Bununla yanaşı bildirilir ki, kommersiya bankları üçün bugündən etibarən alış-satış məzənnəsinin müəyyənləşdirilməsi zamanı 4%-lik marja ləğv edilir.

Qeyd edək ki, ABŞ dollarının bu günə olan rəsmi məzənnəsi 1,7742 AZN/USD təşkil edir.

U.A.
www.oxu.az