Şahin Mustafayev: Növbəti üç ildə əczaçılıq sahəsində dönüş olacaq

Bu ilin martında Azərbaycanda üçüncü əczaçılıq zavodunun tikintisi başlayacaq.

Oxu.Az Trend-ə istinadən xəbər verir ki, bunu jurnalistlərə Azərbaycanın İqtisadiyyat naziri Şahin Mustafayev deyib.

Nazir deyib: “Ümumilikdə, növbəti 3 il ərzində Azərbaycanda bir neçə əczaçılıq zavodu fəaliyyət göstərəcək. Bu gün biz əczaçılıq məhsullarının, demək olar ki, 100%-i xaricdən idxal edirik, lakin üç il ərzində bu sahədə dönüş olacaq. Biz ölkənin dərman təhlükəsizliyinin təmin olunması üçün vacib tədbirlər görəcəyik”.

U.A.
www.oxu.az