Komitə: Əhalinin gəlirlərində artım qeydə alınıb

Azərbaycan əhalisinin gəlirləri cari ildə əvvəlki illə müqayisədə artıb.

Bu barədə Oxu.Az Dövlət Statistika Komitəsinə istinadən xəbər verir.

Bu ilin yanvar ayında ölkə əhalisi 3 mlrd. 476,1 mln. manatlıq və ya əvvəlki ilin yanvarı ilə müqayisədə nominal ifadədə 4,6% çox gəlir əldə edib.

Rəsmi statistikaya əsasən, ölkə əhalisinin hər nəfəri orta hesabla 358,6 manat gəlir əldə edib. Bütün icbari və könüllü ödənişlər edildikdən sonra əhalinin sərəncamında 3 mlrd. 139,8 mln. manatlıq və ya əvvəlki ilə nisbətən 4,5% çox vəsait qalıb.

U.A.
www.oxu.az