Komitə ÜDM istehsalı ilə bağlı açıqlama yayıb
Komitə ÜDM istehsalı ilə bağlı açıqlama yayıb
Dövlət Statistika Komitəsi 2017-ci ilin yanvar ayında ümumi daxili məhsul (ÜDM) istehsalı ilə bağlı açıqlama yayıb.
Oxu.Az xəbər verir ki, açıqlamaya görə, 2017-ci ilin yanvar ayında ölkə rezidentləri tərəfindən istehsal edilmiş ümumi daxili məhsul əvvəlki ilin eyni dövrü ilə müqayisədə 0,8% artaraq 5233,1 milyon manat təşkil edib.
Ümumi daxili məhsulun 56,3%-i iqtisadiyyatın qeyri-neft bölməsində istehsal olunub.
ÜDM istehsalının 47,7%-i sənayenin, 9,5%-i ticarət; nəqliyyat vasitələrinin təmiri, 7,2%-i nəqliyyat və anbar təsərrüfatı sahələrinin, 6,8%-i tikintinin, 2,7%-i kənd təsərrüfatı, meşə təsərrüfatı və balıqçılıq, 2,5%-i turistlərin yerləşdirilməsi və ictimai iaşə, 1,6%-i informasiya və rabitə sahələrinin, 15,9%-i isə digər sahələrin payına düşüb.
Məhsula və idxala xalis vergilər ÜDM-in 6,1%-i təşkil edib.
U.A.
www.oxu.az