Bakıda güzəştli mənzillərin inşası üçün yeni torpaq sahəsi ayrıldı

Bakı şəhərinin Suraxanı rayonu Hövsan qəsəbəsinin qərb hissəsində 20 hektar torpaq sahəsi Mənzil İnşaatı Dövlət Agentliyinin (“MİDA” MMC) sərəncamına verilib. 

Oxu.Az bu barədə Agentliyə istinadən xəbər verir. 

Ayrılmış torpaq sahəsində çoxmənzilli yaşayış binalarının tikintisini təmin etmək məqsədilə ilk növbədə ərazinin “Şəhərsalma əsaslandırılması”nın hazırlanması işinə başlanılacaq.

Ərazidən şəhərsalma normalarına uyğun şəkildə səmərəli istifadə olunmasını təmin edəcək bu sənəd yaşayış massivinin həcm-planlaşdırma və funksional həllini əsaslandıracaq. 

Hazırlanacaq “Şəhərsalma əsaslandırılması”na uyğun olaraq növbəti mərhələdə yaşayış evlərinin və digər sosial məqsədli tikililərin eskiz layihələri və işçi sənədləri hazırlanacaq, habelə mühəndis-kommunikasiya təminatı sisteminin və yol-nəqliyyat infrastrukturunun yaradılması işi planlaşdırılacaq.

U.A.
www.oxu.az