Beynəlxalq Bankın problemli kreditlərinin həcmi açıqlanıb
Beynəlxalq Bankın problemli kreditlərinin həcmi açıqlanıb
Manatın ikinci dəfə devalvasiyaya uğraması və iqtisadi geriləmə Azərbaycanın bank sektorunu daha da zəiflətdi.
Oxu.Az APA-ya istinadən xəbər verir ki, bu barədə “Fitch” beynəlxalq reytinq agentliyinin yaydığı məlumatda deyilir.
Agentlik Maliyyə Bazarlarına Nəzarət Palatasının qərarı ilə 2016-cı ildə 10 bankın lisenziyasının ləğv olunduğunu xatırladıb.
“Azərbaycan Beynəlxalq Bankı” ASC-nin (ABB) sağlamlaşdırılmasına toxunan “Fitch” bildirir ki, 2016-cı ildə bu proses başa çatdırılmayıb. Agentliyin məlumatına əsasən, ABB-nin kredit portfelində qeyri-işlək (problemli) kreditlərin payı 21% təşkil edir.
“Fitch” istisna etmir ki, bu rəqəm də kiçildilib. Bununla yanaşı, məlumatda deyilir ki, dövlət ABB-yə dəstək verməkdə davam edəcək.
Agentliyin mütəxəssisləri hesab edir ki, bank sektorunun dəstəyə ehtiyacı var.
U.A.
www.oxu.az