Türkiyədən əmlak almaq istəyənlər üçün – YENİ FÜRSƏT
Türkiyədən əmlak almaq istəyənlər üçün – YENİ FÜRSƏT
Türkiyə parlamenti xarici vətəndaşlar üçün daşınmaz əmlakın alınmasına dair yeni qanun qəbul edib.
Oxu.Az-ın məlumatına görə, Fins.az xarici mətbuata istinadən bildirir ki, artıq bu ölkədə əmlak alan xarici vətəndaşlar əlavə dəyər vergisindən azad ediliblər.
Yeni qanuna əsasən, Türkiyə ərazisində ilk ofis və ya ev alan və alış-verişi xarici valyutada həyata keçirən alıcılar ƏDV-dən azad edilirlər.
Şərtlərə görə, investor bir il ərzində obyekti satmamalıdır. Əks halda, vergini dövlətə kompensasiya etməlidir.
Qeyd edək ki, 2017-ci ilin yanvarında Türkiyədə daşınmaz əmlakın qiymətləri il ərzində 12,8% artıb. Milli Statistika Komitəsinin məlumatında deyilir ki, 95 min 389 ev və mənzil sahibini dəyişib.
Xaricilər Türkiyədə ümumilikdə 1386 obyekt alıb. Bu da ötən illə müqayisədə 5,2% azdır.
Yanvar ayının əqdlərinin böyük hissəsi Səudiyyə Ərəbistanı (144), Küveyt (115), Əfqanıstan və Rusiya (60) vətəndaşlarının payına düşüb.
Bazar iştirakçıları hesab edir ki, yeni qanun əcnəbilərin Türkiyədə daha çox əmlak almasına təkan verəcək. Onu da deyək ki, daşınmaz əmlaka qoyulan sərmayə Türkiyədə vətandaşlıq almaq üçün bir fürsətdir.
U.A.
www.oxu.az