28 
Fev
2017
11:09
54
286
4055
Virtual karabakh

Azərbaycan Dubaya ət satacaq: Müqavilə imzalandı

28 Fev, 2017
11:09
4055

Azərbaycan Dubaya ət satacaq: Müqavilə imzalandı

Bizim WhatsApp kanalımıza buradan abunə ola bilərsiniz

Birləşmiş Ərəb Əmirliyinin (BƏƏ) Dubay şəhərində keçirilən “Gulfood 2017” sərgisində “Made in Azerbaijan” vahid ölkə stendində nümayiş olunan Azərbaycan məhsulları ziyarətçilər tərəfindən maraqla qarşılanır.

İqtisadiyyat Nazirliyindən Oxu.Az-a verilən xəbərə görə, xüsusi tərtibatda hazırlanan 128 kvadratmetrlik Azərbaycan stendində nazirliyin dəstəyi, Azərbaycanda İxracın və İnvestisiyaların Təşviqi Fondunun (“Azpromo”) təşkilatçılığı ilə Azərbaycanın yerli məhsulları - meyvə şirələri, təbii mineral sular, meyvə-tərəvəz, süd və süd məhsulları, çay, fındıq, konservləşdirilmiş qida məhsulları təqdim edilir.

Sərgi çərçivəsində Azərbaycanın “Azprotein” şirkəti ilə BƏƏ-nin “General Trading Company” şirkəti arasında Dubaya ət ixracına dair müqavilə imzalanıb.

Bundan başqa, Azərbaycanın “Asico” şirkəti Küveytə meyvə-tərəvəz, “AHEC” şirkəti Misir, Əfqanıstan və Səudiyyə Ərəbistanına fındıq ixracına dair təkliflər alıb, “Astara tea” və “Kercom” isə Dubaya çay və bal ixracına dair ərəb şirkətləri ilə danışıqlara başlayıb.

Qeyd edək ki, “Gulfood 2017” sərgisi martın 2-dək davam edəcək. İqtisadiyyat Nazirliyi tərəfindən sərgidə iştirak edəcək şirkətlərin seçilməsi üçün müsabiqə keçirilib və 24 şirkət “Gulfood 2017”-də iştirak etmək hüququ qazanıb.

Qeyd edək ki, sərgidə “Made in Azerbaijan” vahid ölkə stendinin təşkili xərcləri dövlət tərəfindən qarşılanır.

U.A.
www.oxu.az

Bizimlə əlaqə saxlayın

Digər İqtisadiyyat xəbərləri