“Bank Standard”ın borcu məlum oldu – YENİLƏNİB

“Bağlanan “Bank Standard”ın əmlakının ümumi dəyəri 46 milyon manatdır”.

Oxu.Az Fins.az-a istinadən xəbər verir ki, bunu Əmanətlərin Sığortalanması Fondunun (ADIF) icraçı direktoru Azad Cavadov deyib. 

Fond sədri həmçinin bəyan edib ki, “Bank Standard”da ümumilikdə 24 min 26 kredit verilib:

“Bunun ümumi məbləği 747 milyon manatdır. Bankın işlək kreditlərinin həcmi 40 milyon manat təşkil edir. 

Qeyri-işlək kreditləri isə 707 milyon manatdır. Kreditlərin 33 milyon manatı təminatlı, 442 milyon manatı isə təminatsız kreditlərdir”.

15:34

“Bank Standard”ın 1,2 milyard manat borcu var”.

Oxu.Az Fins.az-a istinadən xəbər verir ki, bunu Əmanətlərin Sığortalanması Fondunun (ADIF) icraçı direktoru Azad Cavadov deyib. 

A.Cavadov bildirib ki, bankın Kreditorlar Komitəsinə 20 ən iri kreditor seçilib:

“Ancaq bankın 150 min nəfərə yaxın kreditoru var. Onların hamısını dəvət edə bilmirik. Çünki yer məhduddur. Onların nümayəndələri qoşulublar. Növbəti iclaslarda hər kəs iştirak edə biləcək”.

U.A.
www.oxu.az