Kredit ittifaqının BOKT-a çevrilməsinə icazə verilməyib
Kredit ittifaqının BOKT-a çevrilməsinə icazə verilməyib
Maliyyə Bazarlarına Nəzarət Palatası (MBNP) İmişli rayonunda fəaliyyət göstərən “Ağan Kredit İttifaqı” MMC-nin bank olmayan kredit təşkilatına (BOKT) çevrilməsinə icazə verməyib.
Oxu.Az “Report”a istinadən xəbər verir ki, bu barədə Palatadan bildirilib.
Məlumata görə, adıçəkilən ittifaq təxminən 1 il bundan əvvəl təşkilati-hüquqi formasını dəyişib və BOKT kimi Vergilər Nazirliyində dövlət qeydiyyatından keçib.
Bundan sonra isə maliyyə qurumu nizamnamə kapitalının BOKT-lar üçün müəyyən edilmiş minimum tələbə uyğun - 300 min manat olmasını əsas gətirərək lisenziya üçün MBNP-yə müraciət edib.
Palata isə bu müraciətə mənfi cavab verib və İttifaqa əvvəlki təşkilati-hüquqi formaya qayıtmaq tövsiyə olunub. “Ağan”a BOKT lisenziyasının verilməməsinin səbəbi açıqlanmır.
Xatırladaq ki, “Ağan Kredit İttifaqı” 2011-ci ildə yaradılıb. Hazırda onun nizamnamə kapitalı 300 min 335 manatdır.
U.A.
www.oxu.az