Dollar və avro ucuzlaşdı

Azərbaycan Mərkəzi Bankı (AMB) manatın mayın 24-ə olan məzənnəsini açıqlayıb.

AMB-dən Oxu.Az-a verilən məlumata görə, bu gün ABŞ-ın milli valyutası olan dolların məzənnəsi mayın 23-ü ilə müqayisədə 0,01% azalaraq 1,7021 manat olub.

Avro isə manata nisbətən azalıb. Avrozonanın vahid valyutası 1,9152 manatdan 1,9029 manatadək ucuzlaşıb. Əsas ticarət tərəfdaşlarımızdan biri olan Rusiyanın milli valyutası rublun məzənnəsi isə 0,0301 manatdan 0,0302 manatadək bahalaşıb.

Türkiyə lirəsinin məzənnəsi 0,4775 manatdan 0,4757 manatadək azalıb. Rəsmi məzənnəyə əsasən, 1 ingilis funt sterlinqinin məzənnəsi 2,2116 manatdan 2,2084 manatadək azalıb. Gürcüstan larisinin məzənnəsi isə 0,7014 manatdan 0,7081 manatadək bahalaşıb.

U.A.
www.oxu.az