16 
İyn
2017
12:20
8
71
3207
Virtual karabakh

“DəmirBank” tender elan edir

16 İyn, 2017
12:20
3207

“DəmirBank” tender elan edir

Bizim WhatsApp kanalımıza buradan abunə ola bilərsiniz

“DəmirBank” ASC 2017-ci ildə aşağıda qeyd edilmiş xidmətlərin illik göstərilməsi məqsədilə əlavə tender elan edir:

Lot 1(18). Bankın maliyyə risklərinin sığortalanması məqsədilə qeyd edilən üç sığorta məbləğləri üzrə BBB, kompüter cinayətləri, plastik kart üzrə fraud və s. halların sığortalanması 1) 3 000 000 AZN; 2) 4 000 000 AZN; 3)   5000 000 AZN məbləğlərində sığortalaması.

Lot 2 (19). Bankın nəğd vəsaitlərinin (filialların kassalarındakı və baş ofisin anbarındakı nəğd vəsaitlər, bankomatlardakı nəğd vəsaitlər, inkasator maşınları ilə daşınan nəğd vəsaitlər) 3-cü şəxs və ya şəxslər tərəfindən oğurlanması və ya yararsız vəziyətə salınmasının sığortalanması.

Tender iştirakçıları Lot üzrə əlavə məlumatı AZ1008, Bakı şəhəri, Qarabağ küçəsi, 31 ünvanından və  Bankın www.demirbank.az saytından əldə edə bilərlər.

İştirakçılar tenderdə iştirak etmək üçün 16 iyul 2017-ci il, saat 18:00-dək aşağıdakı sənədləri poçt vasitəsilə və ya şəxsən təqdim etməlidirlər:

  • Tenderdə iştirak etmək üçün ərizə;
  • Xidmətin göstərilməsi üzrə lisenziya və ya sertifikatların surətləri (tələb olunduqda);
  • Tender təklifi (əlavə edilmiş spesifikasiyaya uyğun təqdim olunmalıdır);
  • Tender təklifini xidmət müqaviləsini imzalamaq səlahiyyətinə malik olan şəxsin səlahiyyətlərini təsdiq edən sənəd;
  • İddiaçının son bir il ərzində maliyyə vəziyyəti barədə (əgər daha az müddət fəaliyyət göstərirsə, həmin fəaliyyət dövrü haqqında) bank tərəfindən balans göstəricilərinə əsasən verilmiş arayış (bu sənəddə iddiaçının maliyyə vəsaitlərindən istifadə etmək imkanını təsdiq edən məlumatlar olmalıdır).
  • İddiaçının hüquqi statusunu əks etdirən hüquqi sənədlərin (nizamnamə, dövlət qeydiyyatı haqqında şəhadətnamə və ya reyestrdən çıxarış və s.) surətləri;
  • İddiaçı fiziki şəxs olarsa, fəaliyyətini əks etdirən sənədlərin (lisenziya, VÖEN, Şəxsiyyət vəsiqəsi və s.) surətləri;
  • Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin olmaması haqqında müvafiq vergi orqanından arayış.

Tender təklifləri 16 iyul 2017-ci il tarixi, saat 18:00-dək imzalanmış, ikiqat zərfə qoyulmuş, möhürlənmiş  şəkildə AZ1008, AR Bakı şəhəri, Qarabağ küçəsi 31, DəmirBank ASC-nin Baş Ofisi ünvanına təqdim edilməlidir.

Xidmətləri beynəlxalq standartların tələblərinə cavab verən, analoji işlərdə təcrübəsi, idarəetmə səriştəsi, peşəkarlığı texniki və maliyyə imkanları olan iddiaçılar tenderdə iştirak edə bilərlər.

İştirakçılar tender zərflərinin qəbulu və əlavə məlumat almaq üçün əlaqələndirici şəxslə əlaqə saxlaya bilərlər:
Əlaqələndirici şəxs: Mikayılova İradə. 

Ünvan:  AZ1008, AR Bakı şəhəri, Qarabağ küçəsi 31,  DəmirBank ASC-nin Baş Ofisi.
Telefon:  +994 077  250  61 55; +994 12 444 71 71 (saxili 338)
Faks: +994 12 444 72 14.   

Tender üzrə bütün prosedurlar (yazışmalar, sənədləşmə və s.) Azərbaycan Respublikasının dövlət dilindədir.  Lot üzrə təkliflərin əlavə olaraq Rus və İngilis dillərində də təqdim edilməsi uyğundur. Xarici ölkələrdən olan iddiaçılar isə təmsil olunduqları ölkələrin dilində hazırladıqları təkliflərin Azərbaycan/Rus/İngilis dillərinə tərcümə olunmuş və iddiaçı tərəfindən təsdiq edilmiş mətnini əlavə etməlidirlər.

Təkliflərdə tender predmetini səciyyələndirən bütün zəruri parametrlər, o cümlədən işin icrasının texniki cəhətləri, dəyəri, vaxtı, yeri, idarəetmə qaydası, haqqın ödənilən forması və sair göstəricilər bildirilməlidir. İddiaçı tender predmeti olan işi necə icra edəcəyi barədə istənilən məlumatı öz təklifinə daxil edə bilər.

Təkliflərin qiymətləndirilməsində aşağı qiymət, yüksək keyfiyyət, xidmətlərin vaxtında çatdırılması, yerinə yetirilməsi, anoloji işlərdə təcrübəsi, maliyyə vəziyyəti kimi meyarlara üstünlük veriləcək. Göstərilən meyarlar üzrə məlumatlar barədə sənədlər təqdim edilməlidir.

Tender təkliflərinin qüvvədə olma müddəti zərflərin açıldığı gündən sonra azı 30 bank günü olmalıdır.

E.Ə.
www.oxu.az

Bizimlə əlaqə saxlayın

Digər İqtisadiyyat xəbərləri