FES-in daha üç dəfə faiz artımına gedəcəyi ehtimal edilir
FES-in daha üç dəfə faiz artımına gedəcəyi ehtimal edilir
ABŞ iqtisadiyyatının cari ilin ilk yarısında zəif artım tempi inflyasiyanın azalmasına və əmək haqlarının zəif yüksəlməsinə səbəb olub.
Oxu.Az Report-a istinadən xəbər verir ki, İsveçrənin “Credit Suisse” bankı bu barədə hesabatında bildirib. Qeyd edib ki, cari ilin II yarısından etibarən ABŞ iqtisadiyyatında vəziyyətin düzələcəyi gözlənilir.
Bankın Asiya-Sakit Okean regionu üzrə baş investisiya analitiki Con Vuds (John Woods) hesab edir ki, Bankın ekspertləri FES rəhbəri Canet Yellenin (Jannet Yellen) mövqeyi ilə razıdırlar və ilin sonuna qədər daha bir faiz artımı qərarı gözləyirlər. Növbəti ildə isə “Credit Suisse” FES-in daha üç dəfə faiz artıracağını ehtimal edir. Bank həmçinin Almaniya və Britaniya istiqrazlarının gəlirliliyinin artacağını proqnozlaşdırır.
Əgər “Credit Suisse” bankının proqnozları özünü doğruldarsa, ABŞ dollarının gələn il kəskin möhkəmlənməsi gözlənilir.
L.Ə.