Mobil operatorların gəlirləri artıb
Mobil operatorların gəlirləri artıb
Cari ilin yanvar-iyun ayları ərzində Azərbaycanın informasiya və rabitə müəssisələri 828,4 mln. manatlıq xidmət göstərib ki, onun da 72,1%-i əhali tərəfindən istehlak olunub.
Oxu.Az Dövlət Statistika Komitəsinə istinadən bildirir ki, ötən ilin eyni dövrü ilə müqayisədə informasiya və rabitə xidmətlərinin dəyəri real ifadədə 3,7% artıb.
Bu sahədə əldə edilmiş gəlirin 81,5%-i qeyri-dövlət sektorunun payına düşüb. Xidmətlərdən əldə edilən gəlirin 48,1%-i və ya 398,1 mln. manatı mobil telefon rabitəsi sahəsində formalaşıb.
Beləliklə, mobil operatorların gəlirləri faiz nisbəti ilə azalıb. Belə ki, yanvar-may aylarında xidmətlərdən əldə edilən gəlirin 48,3 faizi mobil rabitə sahəsində formalaşmışdı.
Dəyər ifadəsində isə mobil operatorların gəlirləri artıb. Yanvar-may ayında mobil operatorlar 326,7 milyon manat gəlir əldə etmişdilər.
L.Ə.